Tetesi za soka barani Ulaya leo 26.02.2020

Arsenal huenda ikalazimika kumuuza mshambuliaji wa Gabon Pierre-Emerick Aubameyang ikiwa watashindwa kufikia makubaliano kuhusu masharti ya mkataba mpya, mchezaji huyo mkataba wake utakwisha mwaka 2021. (Star)

Kocha wa zamani wa Everton Sam Allardyce amesema alijaribu kumsajili Aubameyang kutoka Borussia Dortmund kabla ya mshambuliaji huyo kujiunga na washika bunduki (Talksport)

Winga wa England Jadon Sancho, 19, anaweza kusalia na Dortmund baada ya msimu huu ingawa alikuwa akihusishwa na taarifa za kuhamia Chelsea, Liverpool au Manchester United. (Ruhr Nachrichten - in German)

Kiungo wa kati wa Manchester United Nemanja Matic, 31, anatarajiwa kuondoka wakati mkataba wake utakapokwisha mwishoni mwa msimu huu, huku mawakala wakiendelea kutathimini timu, lakini AC Milan hawana mpango wa kumsajili kutokana na matakwa yake ya mshahara. (Calciomercato)

Kiungo wa kati wa Arsenal Granit Xhaka, 27, amesema anahofia hataichezea klabu hiyo tena baada ya kupoteza unahodha wake.(Evening Standard)

Roma na Manchester United wamebaki kwenye mazungumzo kuhusu mchezaji wa nafasi ya ulinzi Chris Smalling, 30, na mpango wa kuhamia Italia kwa mkataba wa kudumu. (Star)

Kiungo wa kati wa Morocco Hakim Ziyech, 26, amesema Kocha wa Chelsea Frank Lampard amechangia kwa kiasi kikubwa katika uamuzi wake wa kuhamia Blues akitokea Ajax. (Mail)

Manchester United itafanya majaribiokwa wachezaji wawili wa Poland wanaocheza nafasi ya ulinzi Mateusz Lipp, ambaye ni mchezaji wa shule ya soka ya Akademia 'Ruch' Chorzow ambaye alishawahi kufanya majaribio na Arsenal na Sampdoria na Radoslaw Sewerys, anayechezea Korona Kielce. (Express)